Hafnfirski handknattleiksmaðurinn Gísli Þorgeir Kristjánsson hefur samið við þýska stórliðið SC Magdeburg og mun leika með liðinu út þetta tímabil a.m.k. Leikur hann þar í treyju nr. 10.
Gísli sem er aðeins 20 ára var á samningi við Kiel en hefur átt við meiðsli að stríða og var samningi hans við Kiel óvænt sagt upp.
Gísli Þorgeir hafði unnið sér sæti í íslenska landsliðinu en axlarmeiðsli hans hindruðu að hann gæti leikið með liðinu á EM.
Gísli var í skemmtilegu viðtali hjá félaginu þar sem komu hans var fagnað en einnig er skemmtileg frásögn af komu hans til félagsins á heimasíðu félagsins, þar sem m.a. er minnst á Hótel Víking, Kaplakrika og Bæjarins beztu pylsur.
Í bráðskemmitlegu viðtali er hann boðinn velkominn, hann spurður út í það af hverju hann valdi nr. 10, hann spurður út í sína einkahagi og fl. áhugavert m.a. hvort hann sé orðinn góður af axlarmeiðslunum en hann segist einmitt hafa staðist læknisskoðun.
