Svavar Ingi Sigmundsson, ungur og efnilegur markmaður frá KA, hefur skrifað undir þriggja ára samning við Handknattleiksdeild FH og mun ganga til liðs við félagið í sumar.
Svavar Ingi hefur leikið með öllum yngri landsliðum HSÍ og er í dag í U-21 árs landsliði Íslands.
„Svavar Ingi er einn efnilegasti markmaður landsins og erum við FH-ingar virkilega ánægðir með að fá hann í Kaplakrika,“ sagði Ásgeir Jónsson formaður Handknattleiksdeildar FH eftir undirskriftina. „Fyrstu kynni okkar af Svavari Inga eru að hér er á ferð alvöru drengur sem er með mikinn metnað og hann ætlar sér langt. Við FH-ingar munum hjálpa honum að ná sínum markmiðum,“ sagði Ásgeir að lokum.
Ummæli
