Nú á dögunum hlaut starfsfólk leikskólans Stekkjaráss viðurkenningu fræðsluráðs Hafnarfjarðar. Viðurkenninguna fékk starfsfólkið fyrir breytta menningu í útiveru barnanna á lóð leikskólans.
Upphaf breyttrar menningar má rekja til hugmynda starfsmanns Stekkjaráss sem er í námi til M.ed. gráðu í leikskólakennarafræðum. Þessi nemi vildi skoða hvernig hann gæti haft áhrif á menningu leikskólans í útiveru á lóð leikskólans og kom með þá hugmynd til starfsfólks að boðið yrði upp á svo kallaðar útistöðvar tvisvar í mánuði.
Þátttaka og jákvætt viðhorf starfsfólksins alls sýndi sig með fádæma góðum undirtektum og virkni á útistöðvadögum sem hafa einnig yfirfærst á virkni og námsframboð í útiveru í garði alla daga.
Meðal útisöðva má nefna vatnsveitu, froðudiskó, leik með skugga, útikeilu, drullumall, sápukúlur, flugdreka, stafaþrautir og björgunarsveitastöð.
Ummæli
