Sérsveitin handtók tvo í Klukkubergi

Töluverður viðbúnaður var neðst í Klukkuberginu á níunda tímanum í gærkvöldi er sérsveit lögreglunnari stöðvaði þar bifreið.

Var ökumaðurinn handtekinn grunaður um akstur bifreiðar undir áhrifum fíkniefna, vörslu og sölu fíkniefna og brot á vopna- og lyfjalögum.

Klukkubergið var lokað um tíma vegna handtökunnar

Farþegi í bifreiðinni var einnig handtekinn grunaður um vörslu fíkniefna. Báðir voru þeir handjárnaðir og leiddir inn í lögreglubíl.

Var gatan lokuð um nokkurn tíma á meðan á aðgerðinni stóð.

Báðir mennirnir voru síðan leystir úr haldi þegar búið var að vinna málið skv. upplýsingum frá lögreglunni.

Ummæli

Ummæli