Hafnarfjarðarbær tekur eins milljarðs kr. lán til 14 ára til að fjármagna Skarðshlíðarskóla

Bæjarráð samþykkti á fundi sínum í gær að leggja til við bæjarstjórn að taka lán hjá Lánasjóði sveitarfélaga að fjárhæð 1.000.000.000 kr. til 14 ára, með lokagjalddaga 5. apríl 2034 með veði í tekjum sveitarfélagsins.

Lánið á að taka til fjármögnunar á byggingu Skarðshlíðarskóla en upphaflega var gert ráð fyrir að skólinn yrði fjármagnaður án lántöku.

Bæjarstjórn mun afgreiða málið endanlega á fundi sínum í næstu viku.