Ökumaður bifhjóls handtekinn eftir ítrekuð brot á umferðarlögum og stutta eftirför lögreglu í hverfi 220 eins og segir dagbók lögreglunnar í gær. Ökumaður er einnig grunaður um akstur undir áhrifum ávana- og fíkniefna sem og að aka án ökuréttinda.
Ekkert hverfi er þó til í Hafnarfirði með þessu nafni en er til sem póstnúmer eins og allir vita.
Héldu sig hafa fundið mannabein
Kl. 18:48 var tilkynnt um hugsanlegan fund á mannabeinum við gröft í garði í hverfi 220. Eftir nánari athugun var svo talið að þarna hefðu fundist bein úr hundi en ekki mannabein.
Tilkynnt var um eld á opnu svæði í Hafnarfirði kl. 02:52 en ekkert nánar hafði verið skrifað í dagbók lögreglunnar þegar tilkynning frá lögreglunni var send út.
Þá var ökumaður stöðvaður í akstri grunaður um akstur undir áhrifum ávana- og fíkniefna. Hann var án ökuréttinda. Einnig var hann grunaður um vörslu fíkniefna.
