Íslandsmeistaradraumur Hauka úti

Selfoss valtaði hreinlega yfir Hauka á heimavelli

Íslandsmeistaradraumur Hauka í handknattleik karla var slökktur af gríðarlega öflugu liði Selfoss rétt í þessum sem tryggði sér fyrsta Íslandsmeistaratitil liðsins á heimavelli eftir að hafa hreinlega valtað yfir lið Hauka.

Haukar byrjuðu leikinn betur en Selfoss jafnaði fljótlega og komust yfir og var liðið komið með 5 marka forskot í hálfleik.

Seinni hálfleikur var hrein einstefna hjá Selfossi sem komst mest í 11 marka forskot þegar 11 mínútur voru til leiksloka.

Haukar náðu aðeins að klóra í bakkann en sigur Selfoss var aldrei í hættu og gríðarleg gleði braust út á Selfossi þegar sigurinn var í höfn enda merk tímamót hjá félaginu.

Þeir sem vonuðust eftir hreinum úrslitaleik á Ásvöllum á föstudag hafa því orðið fyrir miklum vonbrigðum en jafnvel Selfyssingar höfðu óskað sér þá stöðu enda komast mun fleiri áhorfendur að á Ásvöllum en á Selfossi en íþróttahús Fjölbrautarskólans á Suðurlandi tekur aðeins um 700 áhorfendur.

Leiknum lauk svo með 35-25 sigri Selfoss.

Mörk Hauka skoruðu:

  • Ásgeir Örn Hallgrímsson 6
  • Brynjólfur Snær Brynjólfsson 4
  • Einar Pétur Pétursson 3
  • Tjörvi Þorgeirsson 3
  • Heimir Óli Heimisson 2
  • Daníel Þór Ingason 2
  • Halldór Ingi Jónasson 2
  • Orri Freyr Þorkelsson 1
  • Adam Haukur Baumruk 1
  • Grétar Ari Guðjónsson 1

Grétar ARi Guðjónsson varði 11 skot í marki Hauka

Mörk Selfoss

  • Elvar Örn Jónsson 11
  • Alexander Már Egan 5
  • Atli Ævar Ingólfsson 4
  • Árni Steinn Steinþórsson 4
  • Haukur Þrastarson 4
  • Guðni Ingvarsson 3
  • Guðjón Baldur Ómarsson 2
  • Nökkvi Dan Elliðason 1
  • Sverrir Pálsson 1

Sölvi Ólafsson varði 15 skot í marki Selfoss

Ummæli

Ummæli