Íslandsmótinu í golfi lauk í gær á Hvaleyrarvelli, heimavelli Golfklúbbsins Keilis, við glæsilegar aðstæður en mótið var dagana 7.-10. ágúst.
Er þetta í sjötti sinn sem mótið er haldið á Hvaleyrarvelli.
Guðrún Brá Björgvinsdóttir úr Keili varð Íslandsmeistari kvenna eftir umspil við Huldu Clöru Gestsdóttur úr GKG. Hulda Clara hafði leitt með 5 höggum fyrir lokadaginn en Guðrún jafnaði strax eftir þrjár holur og enduðu þær jafnar. Í umspilinu sýndi Guðrún Brá sinn styrk og sigraði örugglega.
Var þetta fjórði Íslandsmeistaratitill Guðrúnar Brá.
Dagbjartur Sigurbrandsson, GR varð Íslandsmeistari karla í fyrsta sinn en heimamaðurinn Axel Bóasson varð annar en þeir Axel og Dagbjartur skiptust á að vera í forystu allt mótið.
Mikil spenna var líka í karlaflokki. Úrslitin réðust á lokaholunni.
