Haukar og Valur léku í keppni meistaranna í gærkvöldi í handbolta karla á Ásvöllum. Haukar eru ríkjandi Íslandsmeistarar en Valur bikarmeistarar.
Liðin mættust í Hafnarfjarðarmótinu um þarliðna helgi og þá sigruðu Haukar með 10 marka mun.
Í gærkvöldi höfðu Haukar yfirhöndina frá upphafi til enda og var staðan 11-9 í hálfleik. Fór svo að þeir sigruðu 24-23 og hampa nú titlinum Meistarar meistaranna.
Adam Haukar Baumruk var markahæstur Hauka með 6 mörk, Guðmundur Árni Ólafsson og Jón Þorbjörn Jóhannsson skoruðu 4 mörk hvor og fjórir aðrir Haukamenn skoruðu í leiknum.
