FH og Breiðablik léku í Kaplakrika í dag í úrvalsdeild karla í knattspyrnu. Lítið var um góð færi framan af í leiknum en Breiðablik komst yfir með marki Árni Vilhjálmssonar á 32. mínútu eftir mistök í vörn FH. Var forysta Breiðabliks ekki verðskulduð enda hafði leikurinn farið fram að miklu leyti á vallarhelmingi FH.
Kópavogsbúar fengu þó ekki að fagna lengi því strax í næstu sókn jöfnuðu FH-ingar með marki Kristjáns Flóka Kristjánssonar eftir undirbúning Böðvars Böðvarssonar.
Eftir það var leikurinn nokkuð jafn og ekki mikið um góð færi en FH-ingar áttu þó betri færi en náðu ekki að nýta sér þau.
Aðstæður voru góðar í Kaplakrika og með þessu eina stigi fikruðu FH-ingar sig örlítið nær Íslandsmeistaratitlinum og þarf mikið að gerast ætli þeir að glutra forskotinu niður.
