Dansparið Nikita Bazev og Hanna Rún Bazev Óladóttir eru komin í efsta sæti á stigalista hjá Alþjóða dansíþróttasambandinu WDSF.
Er það eftir keppni þeirra í á opnu alþjóðlegu dansmóti í flokki atvinnumanna í suður-amerískum dönsum þar sem þau náðu 3. sæti. Mótið var haldið í Róm 3. október síðastliðinn.
Þetta er í fyrsta skipti sem að íslenskt danspar nær þessum áfanga.
Eru þau með 4.337 stig í efsta sæti heimslistans, 237 stigum á undan næsta pari.
Nikita Bazev og Hanna Rún Bazev kenna og æfa hjá Dansíþróttafélagi Hafnarfjarðar, DÍH og hafa bæði verið tilnefnd til íþróttamanns Hafnarfjarðar.
Þau keppa í flokki atvinnumanna í Latin dönsum og eru bæði með langa og góða reynslu af samkvæmisdansi og hafa dansað bæði með fyrrverandi dansfélugum og nú saman út um allan heim. Þau kenna bæði í hóp- og einkatímum.
