fbpx
Miðvikudagur, janúar 19, 2022

Félagslegt hús­næði í Hafnarfirði

Í lok janúar skrifaði Ágúst Bjarni Garðarsson formaður bæjarráðs og oddviti Framsóknar og óháðra grein í Fjarðarfréttir um fjölgun á félagslegu húsnæði hér í Hafnarfirði. Við Ágúst Bjarni erum sammála því að fjölgun félagslegs húsnæðis er eitt af brýnustu verkefnunum hér í Hafnarfirði nú um stundir. Gríðarleg þörf hefur myndast á síðustu árum og henni þarf að mæta eins hratt og mögu­legt er.

Veigamiklum þætti viljandi sleppt

Það er rétt að fjölgun félagslegs húsnæðis hér í bæ var hæg á árunum 2009-2016. En hver skyldi meginástæða þess hafa verið? Ástæða sem Ágúst Bjarni velur að sleppa í umfjöllun sinni. Yfir íslenskt samfélag reið fordæmalaus efnahagskreppa. Hafnarfjörður eins og flest önnur sveitarfélög lenti í fjárhags­legum erfiðleikum. Meirihluti Sam­fylkingarinnar og Vinstri grænna sem sat við völd á árunum 2010-2104 hefði svo sannarlega viljað fara í ríka og veg­lega uppbyggingu á félagslegu húsnæði ef hann hefði verið í færum til þess. Í veg fyrir það kom fjár­hagsstaða bæjarfélagsins sem var tilkomin vegna hrunsins.

Meirihlutinn mótfallinn hraðari uppbyggingu

Við gerð fjárhagsáætlunar fyrir árið 2019 lögðu fulltrúar Samfylkingarinnar í bæjar­stjórn fram tillögu um að setja meira fé í kaup á félagslegu húsnæði í bæjar­félaginu. Það er skemmst frá því að segja að fulltrúi Framsóknar og óháðra, Ágúst Bjarni, hafnaði þeirri tillögu ásamt félögum sínum í meiri­hlutanum. Með samþykki tillögunnar hefði verið hægt að fara í hraðari uppbyggingu á félagslegu húsnæði og mæta enn fleiri fjölskyldum sem marg­ar hverjar eru í brýnni þörf og biðlistar hafa aldrei verið lengri.

Það var vond pólitísk ákvörðun hjá meirihlutanum að hafna þessari tillögu.

Friðþjófur Helgi Karlsson bæjarfulltrúi.

Ummæli

Ummæli

Tengdar fréttir

Fylgjstu með

3,319AðdáendurLíka við
53FylgjendurFylgja
0áskrifendurGerast áskrifandi
- Auglýsing -spot_img

Nýjustu greinar