Mótanefnd HSÍ hefur dæmt handknattleiksdeild ÍBV til að greiða 150 þúsund krónur í sekt vegna vankanta á framkvæmd bikarleik karlaliðs félagsins við FH 6. febrúar sl.
Á meðal þess sem ekki var í lagi var að leikmenn þurftu að ganga í gegnum áhorfendaskarann á leið til búningsherbergja og svo var aðgengi áhorfenda að klefa FH óhindrað og mikil læti þar fyrir undan. Hegðun stuðningsmanna ÍBV var einnig rædd í þessu máli en þeir mættu með myndir af mæðrum leikmanna FH og létu ýmis ófögur orð falla.
ÍBV sló FH út úr bikarkeppninni með sigrinum eftir að FH hafði leitt með 7 mörkum þegar 10 mínútur voru liðnar af leiknum. ÍBV sigraði 24-22.
Vísir greindi frá þessu.
