Fyrstu Vetrarleikar Hestamannafélagsins Sörla voru haldnir sl. sunnudag á Hraunhamarsvellinum í dásemdar veðri og var góð skráning þrátt fyrir að mótið hefði verið fært um ein dag.
Keppt var í 11 flokkum, en vetrarleikarnir eru upphitun fyrir stærri mót sem eru á vorin. Að sjálfsögðu var yngsta fólkið líka með, en þessir ungu framtíðarknapar „keppa“ ekki úti, heldur inni í reiðhöll. Allir þeir yngstu fengu verðlaun fyrir þátttöku.
