fbpx
Fimmtudagur, febrúar 22, 2024
HeimFréttirBæjarráð samþykkir nú reglur um styrki til húsverndar sem tóku gildi fyrir...

Bæjarráð samþykkir nú reglur um styrki til húsverndar sem tóku gildi fyrir ári

Sjóður eða ekki sjóður?

Á fundi bæjarráðs Hafnarfjarðarkaupstaðar 5. apríl sl. voru „Reglur um styrki til húsverndunar í Hafnarfirði“ lagðar fram til samþykktar sem bæjarráð samþykkti, líklega einróma en ekki er getið nánar um samþykktina í fundargerð.

Það sem vekur athygli er að í þessum reglum er sagt að reglurnar taki gildi 13. janúar 2022 með samþykki menningar- og ferðamálanefndar.

Viðbrögð við frétt Fjarðarfrétta

Í frétt Fjarðarfrétta frá 23. mars þar sem sagt er frá styrkveitingum menningar- og ferðamálanefndar er sagt er frá því að hvergi væri að finna á vef bæjarins neitt um tilvist húsverndarsjóðs sem þó er getið í auglýsingu um styrkina. Við nánari skoðun á vef Hafnarfjarðarkaupstaðar mátti þó finna  „Samþykkt um styrki til húsverndar í Hafnarfirði“ sem eru nákvæmlega sömu reglur og bæjarráð hefur nú samþykkt. Fjarðarfréttir hafði sent fyrirspurn til bæjarlögmanns um það hvort nefnd á vegum bæjarins gæti samþykkt reglugerð og jafnvel fellt úr gildi reglugerð sem ráð bæjarins samþykkti.

Ekkert svar barst við þessari fyrirspurn en líta má á samþykkt bæjarráðs sem viðbrögð við þessari fyrirspurn.

Húsverndarsjóður sem alls ekki er sjóður

Eftir stendur að í reglunum um styrki til húsverndar er í 1. grein fjallað um hlutverk húsverndarsjóðs Hafnarfjarðar. Hvergi er að finna neinar samþykktir um þennan sjóð og raunar má í sömu grein sjá að þetta er alls ekki neinn sjóður þar sem ráðstöfunarfé sjóðsins er í samræmi við ákvörðun bæjarstjórnar Hafnarfjarðar í fjárhagsáætlun Hafnarfjarðarbæjar ár hvert.

Úr samþykkt um styrki til húsverndar í Hafnarfirði

Ummæli

Ummæli

Tengdar greinar
- H1 -

Nýjustu greinar

H2