fbpx
Þriðjudagur, mars 5, 2024
HeimFréttirÓlympíusveitin sigraði í boðsundi garpa

Ólympíusveitin sigraði í boðsundi garpa

Íslandsmótið í garpasundi var haldið um helgina

Íslandsmót garpa var haldið dagana 5. og 6. maí í Sundlaug Kópavogs.

Félagar í Sundfélagi Hafnarfjarðar áttu titil að verja og 39 garpar frá Sundfélagi Hafnarfjarðar tók þátt. Þess ber að geta að garpar eru það sem í flestum öðrum íþróttagreinum kallast öldungar.

Að þessu sinni mættu keppendur SH ofurliði Blika og urðu að játa sig sigraða eftir góða keppni og munu örugglega mæta tvíefldir til leiks á næsta ári þegar keppnin fer fram á heimavelli SH-inga í Ásvallalaug.

Varð SH í öðru sæti með 1.303 stig á eftir Breiðablik sem fékk 1.861 stig.

SH náði 63 Íslandsmeistaratitlum, 48 í karlaflokki og 15 í kvennaflokki, og 7 titlum í boðsundum.

Ólympíusundsveitin hampaði Íslandsmeistaratitli

Ein af boðsundsveitum SH (Ólympíusveitin) var skipuð af þeim Vilborgu Sverrisdóttur, Elínu Sigurðardóttur, Hrafnhildi Lúthersdóttur og Helgu Maríu Vilhjálmsdóttur, sem allar hafa tekið þátt í Ólympíuleikum fyrir Íslands hönd. Unnu þær að sjálfsögðu sína grein.

  • Vilborg Sverrisdóttir (65), Montréal 1976, sund, Sundfélag Hafnarfjarðar
  • Elín Sigurðardóttir (50), Atlanta 1996 og Sydney 2000, sund, Sundfélag Hafnarfjarðar
  • Hrafnhildur Lúthersdóttir (31), London 2012, Ríó 2016, sund, Sundfélag Hafnarfjarðar
  • Helga María Vilhjálmsdóttir (28), Sochi 2014, skíði, ÍR, býrí Hafnarfirði

Ummæli

Ummæli

Tengdar greinar
- H1 -

Nýjustu greinar

H2