fbpx
Þriðjudagur, apríl 16, 2024
target="_blank"
HeimFréttirNý ódýr ofurrafhlaða í rafbíla kynnt í gær

Ný ódýr ofurrafhlaða í rafbíla kynnt í gær

Getur lækkað verð á rafbílum

Samkeppnin um rafhlöður í bíla hefur verið mjög hörð og undanfarið hefur virst sem Tesla hafi þar haft mikla yfirburði.

General Motors kynnti í gær nýja rafhlöðu í rafbíla, 50-200 kWh, sem gæti gefið drægni upp á 600 km eða meira. Það sem vekur athygli er að þeir segja að það sé mun ódýrara að framleiða þessa rafhlöðu en þær sem eru á markaðnum í dag.

Rafhlaða GM sem þeir nefna Ultium er sérstök vegna stærðar sinnar. Kassalöguðum sellum er hægt að hlaða bæði lóðrétt og lárétt í rafhlöðustæðu. Það gefur hönnuðum möguleika á að aðlaga rafhlöðurnar að ýmsum kröfum og tegund ökutækja.

Nýja rafhlaðan frá General Motors. – Ljósmynd: Steve Fecht fyrir General Motors

Reiknar GM með að þessi nýja rafhlaða muni kosta undir 100 dollurum á hverja kílóvattstund sem getur þá lækkað verð á rafbílum og aukið samkeppnishæfni þeirra gagnvart bensínbílum verulega. Kostnaður við rafhlöður í bíla er stærsti kostnaður við rafbíla í dag og er áætlaður nálægt 150 dollurum á kWh.

Ástæða verðlækkunarinnar er m.a. sú að GM minnkar notkun á kóbalti verulega en eykur notkun á nikkel í staðinn í þessum kassalaga sellum sem þurfa mun minna af tengivírum en rörlaga rafhlöður.

Stefnir fyrirtækið á að framleiðsla rafhlaðnanna hefjist haustið 2021 en þær verða framleiddar í Ohio í bandaríkjunum í nýrri risa verksmiðju.

Sjá má tilkynningu General Motors hér.

Ummæli

Ummæli

Tengdar greinar
- H1 -

Nýjustu greinar

H2