Fyrsta Svansvottun Eyktar

Áshamar 12-26 í Hamranesi er kjarni sex nútímalegra fjölbýlishúsa með 154 íbúðum, í hverfi þar sem þegar hefur byggður leikskóli og haf­inn er uppbygging á grunnskóla fyrir hverfið.

Húsin eru byggð samkvæmt staðli Svansins. Húsin eru hönnuð á nútíma­legan hátt og vel hugað að heilnæmi íveru­rýma með jafnvægis­stiltu loftræstikerfi sem tryggir gæði inniloftsins. Svansvottunin gerir stífar kröfur um efnisval og nýtingu á orku ásamt ströngum tilmælum um góða hljóðvist og gott birtustig í íbúðunum.

Íbúðirnar eru tveggja til fjögurra herbergja og gefa möguleika á að bæta við herbergi. Í rúmgóðum bílkjallara eru 154 stæði, þaðan sem innangengt er inn í hvern stigagang. Úrvalið er því breytt fyrir flestar gerðir fjöl­skyldna þar sem hugað er að öryggi í umferðinni með góðum göngustígum í bakland Hafnarfjarðar og undir­göngum. Húsin eru í hverfi nærri náttúru­perlum sem eru vinsælar til útivistar.

Staðfesting þess að við erum að uppfylla strangar kröfur

Fyrsta Svansvottun okkar er stór áfangi fyrir Eykt að sögn Láru Árna­dóttur, sérfræðings hjá Eykt er hún var spurð um þýðingu þess að fá Svans­vottun. „Hún staðfestir að við erum að byggja hús sem uppfylla strangar kröfur um sjálfbærni, orku­nýtingu og heilnæma innivist. Þetta er í takt við stefnu okkar um að leggja áherslu á umhverfisvæna uppbyggingu sem þjónar bæði fólki og umhverfi.“

Páll Daníel Sigurðsson, fram­kvæmdastjóri Eyktar, fagnaði tíma­mótunum við afhendingu vottunar­innar. Fagnaði hann stuðningi Hafnar­fjarðarbæjar sem sagði hann góðan til að ýta mönnum af stað og sagði þetta hafa verið lærdómsferli fyrir fyrirtækið. Þakkaði hann sérstak­lega góðu samstarfi við starfsfólk Hafnar­fjarðarbæjar sam hafi verið mjög hjálplegt og gott að vinna með.

Lang Stærsta vottaða verkefnið

Guðrún Lilja Kristinsdóttir, fram­kvæmdarstjóri Svansins, sagði þetta langstærsta verkefnið sem hafi fengið vottun í heilu lagi og 15. nýbyggingin sem fær vottun á Íslandi.

Svansvottun bygginga felur í sér strang­ar kröfur sem tryggja bæði umhverfisábyrgð og gæði. Þar má m.a nefna kröfur um:

• Efnisval þar sem skaðleg efni eru m.a. takmörkuð
• Rakavarnir sem stuðla að heilnæmu innilofti
• Orkunotkun sem skal vera innan ákveð­inna marka
• Dagsbirtu þar sem gerðar eru kröfur um dagsbirtuhönnun.

Ummæli

Ummæli