Nemandi í Tónlistarskóla Hafnarfjarðar kom að dauðri branduglu við gangstétt sunnan við skólann í gær.
Brandugla er eina uglan sem verpir að staðaldri hér á landi en hún verpir á láglendi í öllum landshlutum, þó síst á Vestfjörðum og Suðausturlandi en skv. upplýsingum frá Náttúrufræðistofnun er varpstofninn talinn vera um 500 pör.
Aðalfæða branduglu eru hagamýs en hún étur einnig smáfugla.
Branduglan sem fannst er um 33 cm á lengd en fullorðin brandugla er um 37-39 cm á lengd, vænghafið 95-110 cm og er hún um 320 g á þyngd.
Náttúrufræðistofnun mun fá ugluna til nánari skoðunar.
