Hlaupakonan Arna Stefanía Guðmundsdóttir var útnefnd íþróttakona FH 2017 á verðlaunahátíð í Kaplakrika í dag en hún var einnig nýlega kjörin íþróttakona Hafnarfjarðar.
Þá var sleggjukastarinn Hilmar Örn Jónsson var útnefndur íþróttakarl FH 2017.
Arna Stefanía Guðmundsdóttir hlýtur þessa sæmd fyirr árangur í 400 m grindahlaupi sem hún hljóp á 56,37 sekúndum. Hún hefur náð öðrum besta árangri íslenskrar konu í þessari gerin sem gefur 1130 stig samkvæmt alþjóðlegri stigatöflu. Arna Stefaní a náði þessum árangir á Evrópumeistaramóti 22 ára og yngri sem haldið var í Póllandi í sumar. Með þeim árangri var Arna Stefanía að fylgja eftir frábærum árangri á árinu 2016. Hún sigraði ennig á Smáþjóðaleikunum í 400 m grindahlaupi en einnig sigraði hún á stærri mótum í Hollandi og Danmörku á árinu og á Norðurlandameistaramótinu innanhúss sem haldið var í Finnlandi þar sem ARna Stefanía varð Norðurlandameistari í 400 m hlaupi. Þá var hún í bikarliði FH sem vann kvennabikarinn utanhúss og varð bikarmeistari í 400 m hlaupi, 100 m grindahlaupi og 1.000 m boðhlaupi. Hún varð Íslandsmeistari utanhúss í 100 m grindahlaupi.
Hilmar Örn Jónsson hlýtur þessa sæmd fyrir árangur í sleggjukasti en hann kastaði sleggjunni 72,38 m í Eugene í Bandaríkjunum og gaf sá árangur 1077 stig skv. alþjóðlegri stigatöflu. Er það næstbesti árangur Íslendings í greininni frá upphafi. Hilmar er yngsit Íslendingurinn sem hefur kastað sleggjunni yfir 70 m. Er kast hans Íslandsmet í flokki 20-22 ára pilta.
Eftirfarandi voru tilnefndir:
- Arna Stefanía Guðmundsdóttir, frjálsíþróttakona FH
- Hilmar Örn Jónsson, frjálsíþróttakarl FH
- Fanney Þóra Þórsdóttir, handknattleikskona FH
- Ágúst Birgisson, handknattleikskarl FH
- Þórdís Ylfa Viðarsdóttir, skylmingakona FH
- Hilmar Örn Jónsson, skylmingakarl FH
- Guðný Árnadóttir, knattspyrnukona FH
- Steven Lennon, knattspyrnukarl FH
