Aðeins Seltjarnarnes með minni hækkun útsvarstekna en Hafnarfjörður

Útsvarstekjur Hafnarfjarðarkaupstaðar jukust um 645 milljónir 2019

Setberg

Staðgreiðsla útsvars nam á síðasta ári 205 milljörðum króna samanborið við 194 milljarða króna árið 2018 og hækkun milli ára því um 5,6%. Kemur þetta fram í bráðabirgðauppgjöri sem Samband íslenskra sveitarfélaga hefur kynnt.

Mest var hækkun útsvars í staðgreiðslu milli 2018 og 2019 á Suðurlandi eða um 7,4%. Þar á eftir kemur Norðurland vestra með um 7,3% hækkun.

Staðgreiðslan hækkaði hlutfallslega minnst á Austurlandi eða um 5,0%. Hjá öðrum landshlutum var hækkunin á bilinu 5,1% upp í rúmlega 6,7%.

29% minni hækkun í Hafnarfirði

Á höfuðborgarsvæðinu er hækkunin 5,4% og er langmest í Mosfellsbæ 10,3% en minnst í Seltjarnarnesi 3,8% og í Hafnarfirði 4,0%. (Er Kjósarhreppur þá ekki talinn með en útsvarstekjur hreppsins eru aðeins 0,7% af útsvarstekjum Hafnarfjarðar.)

Er hækkunin í Hafnarfirði 29% minni en meðaltalshækkunin var á landinu öllu og um 26% en meðaltalshækkunin var á höfuðborgarsvæðinu. Mjög lítil fjölgun íbúa í Hafnarfirði er helsta skýring á minni hækkun útsvarstekna.

2018 2019 %
Mosfellsbær 6.096.977.392 6.725.927.395 10,3%
Garðabær 9.744.640.429 10.399.808.337 6,7%
Kópabogsbær 21.426.519.468 22.710.808.925 6,0%
Reykjavíkurborg 71.446.391.764 74.990.645.677 5,0%
Hafnarfjarðarkaupstaður 16.311.073.215 16.955.824.769 4,0%
Seltjarnarnesbær 2.820.723.754 2.927.484.716 3,8%
Kjósarhreppur 125.004.917 125.555.561 0,4%
Höfuðborgarsvæðið án Reykjavíkur 56.524.939.175 59.845.409.703 5,9%

Á Akureyri er hækkun útsvarstekna 5,5%, í Árborg er hækkunin 9,4% og á Ísafirði 7,2%.

Ummæli

Ummæli