Um liðna helgi keppti landslið Íslands í Taekwondo bardaga í Riga á tveimur alþjóðlegum mótum.
Fyrra mótið European small states championship G-1 var á föstudeginum og svo það síðara Riga Open G-1 á sunnudeginum.
Liðið var skipað þeim Ingibjörgu Erlu Grétarsdóttur úr Björk, sem keppti í senior -57 og -62 flokki, Guðmundi Flóka Sigurjónssyni senior -80 og Leo Anthony Speight úr Björk sem keppti í senior -68.
Guðmundur Flóki náði þeim glæsta árangri að sigra á báðum mótunum og er hann því búinn að ná gulli á þremur alþjóðlegmótum í röð.
Ingibjörg fékk silfur á báðum mótunum og og var hársbreidd frá gulli á Riga Open.
Leo fékk silfur á European small states sem er hans 5 G-medalía á árinu.
Helgin gaf því landsliðinu 5 G-medalíur sem er alveg ótrúlegur árangur og greinilegt að okkar fólk er á mjög réttri leið.
Ingibjörg Erla var að koma til baka á sín fyrstu mót eftir meiðsli og sýndi frábæra takta og landaði tveimur silfur verðlaunum og var hársbreidd frá gulli á Riga Open.
