Toppliðin í úrvalsdeild karla í handbolta, Haukar og FH mætast í Kaplakrika á morgun, þriðjudag kl. 19.30.
Flest lið hafa ekki hleypt áhorfendum inn á leiki sína vegna sóttvarnartakmarkana sem leyfa ekki nema 50 áhorfendur í hverju rými en 500 ef menn sýna niðurstöðu úr neikvæðu hraðprófi.
FH hefur tekið þá ákvörðun að selja inn á leikinn en áhorfendur þurfa þá að skila niðurstöðu úr hraðprófi sem allir þurfa að sækja til Reykjavíkur.
Telja menn að áhugi fyrir leiknum sé slíkur að fólk leggi þetta á sig.
Einnig verða tvö 50 manna hólf fyrir yngri iðkendur úr FH.
Miðasala verður á Stubb appinu.
