fbpx
Laugardagur, júlí 13, 2024
HeimÍþróttirGott samstarf FH og Hauka á hlaupum

Gott samstarf FH og Hauka á hlaupum

Afmælissöngurinn sunginn fyrir 82 ára hlaupara

Tveir öflugir hlaupahópar þar sem fólk á öllum getustigum nýtur þess að hlaupa
Skokkhópur Hauka og Hlaupahópur FH eru tveir af öflugustu hlaupahópum landsins. Skokkhópur Hauka var stofnaður í september 2007 og varð strax fjölmennur. Hlaupahópur FH var svo stofnaður í febrúar 2010 og varð strax einnig mjög fjölmennur.

Innan beggja hópanna eru afreks­hlauparar í bland við áhugafólk um hlaup og skokk og þar er fólk á öllum aldri þó meðalaldurinn sé sennilega nálægt 40 árum.

Gott samstarf hefur verið á milli hópanna enda rekast hlauparar í hópunum oft á hvern annan á hlaupum, á hjóli eða á gönguskíðum en almennt hefur fólk í hópunum mikinn áhuga á útivist og hreyfingu.

Bæjarfellið Ásfjall, lúpínuprýdd með grýtta slóða.

Í síðustu viku hittust hóparnir á sameiginlegri hlaupaæfingu í boði Hauka sem voru að endurgjalda boð FH fyrir stuttu. Bláir FH-ingarnir og rauðir Haukarnir mættu á blá/rauðum íþróttavelli við Skarðshlíðarskóla og hlupu þaðan mislangar vegalengdir á stígum upplands Hafnarfjarðar.

Blómarósir á hlaupum í nyrsta rósagarði heims

Tilefni var til söngs í upphafi æfingar en tilefnið var 82 ára afmælis Hauka hlaup­arans Eysteins Hafbergs sem er glæsileg fyrirmynd yngri hlaupara. Sunginn var afmælissöngurinn og afmælinu fagnað vel.

Eysteinn Hafberg er fyrirmynd margra og mætti hress á hlaupaæfingu á 82. afmælisdegi sínum.

Þegar komið var til baka buðu Haukar upp á íspinna enda veðrið af­skaplega gott.

Í Vatnshlíð ofan Hvaleyrarvatns.
Á Ásfjalli

Ummæli

Ummæli

Tengdar greinar
- H1 -

Nýjustu greinar

H2