Örtröð við opnun á Nettó á Miðvangi

Nettó við Miðvang

Hafnfirðingar tóku vel við sér er Nettó opnaði nýja verslun við Miðvang kl. 12 á hádegi í dag. Fólk beið í hópum fyrir utan á meðan bæjarstjóri klippti á borði og opnaði verslunina formlega. Þarna hefur verið matvöruverslun síðan á áttunda áratugi síðustu aldar er Kaupfélag Hafnarfjarðar opnaði þarna stóra og glæsilega verslun. Síðan þá hafa verslanir verið reknar undir merkjum Kaupfélaganna og síðan 1993 undir merkjum Samkaupa sem er í eigu Kaupfélaga víða um land og eins lífeyrissjóðs.

Langar biðraðir mynduðust
Langar biðraðir mynduðust

47 verslanir

Að sögn Ómars Valdimarssonar framkvæmdastjóra Samkaupa var þarna verið að svara kalli markaðarins og auka vöruúrval í matvörum og lækka um leið verðið. Miklar breytingar hafa verið gerðar á versluninni og að því komu fjölmargir verslunarstjórar úr Samkaup/Nettó verslunum víða um land. Ómar segir verslanir Samkaupa í allt 47 og um 75% þeirra úti á landi. Þær eru af misjöfnum stærðum og aðlagaðar staðháttum á hverjum stað. Nýja verslunin í Hafnarfirði er með vöruúrval eins og það gerist best í Nettóverslununum og fagnaði Ómar góðum viðtökum við opnuninni en gert er ráð fyrir töluverðri fjölgun viðskiptavina við þessar breytingar.

Ómar Valdimarsson framkvæmdastjóri Samkaupa, Jónatan Eggertsson verslunarstjóri og Gunnar Egill Sigurðsson forstöðumaður verslurnarsviðs.
Ómar Valdimarsson framkvæmdastjóri Samkaupa, Jónatan Eggertsson verslunarstjóri og Gunnar Egill Sigurðsson forstöðumaður verslurnarsviðs.

Hallur Geir Heiðarsson rekstrarstjóri Nettóverslananna segir áherslur verið lagðar á gott úrval af grænmeti og ávöxtum, nýbakað brauðmeti, heilsuvörur og lífrænt ræktaðar vörur. Stórir hringir í loftum afmarka þessa áherslu og yfir grænmetinu eru rakatæki sem tryggja sem hagkvæmasta rakastig í grænmetis- og ávaxtadeildinni.

netto_opnar-02
Hallur Geir Heiðarsson rekstrarstjóri Nettó

Í eigu viðskiptavinanna

Samkaup er í samstarfi við samtök Coop verslana sem tryggir þeim aðgang að góðum vörum á hagstæðu verði. Áhersla er lögð á góða þjónustu og lágt verð til viðskiptavina og enda eru eigendur í raun viðskiptavinirnir í gegnum Kaupfélögin. Kaupfélag Hafnfirðinga fór í þrot á sínum tíma og KRON einnig en til er Hafnarfjarðardeild Kaupfélags Suðurnesja sem nær nú orðið í raun yfir allt höfuðborgarsvæðið. Hver sem er getur gerst félagi og notið 2% afsláttar þegar verslað er í verslunum Samkaupa eða Nettó.

Glæsileg grænmetis- og ávaxtadeildin
Glæsileg grænmetis- og ávaxtadeildin

Langar biðraðir

Örtröð var í versluninni eftir að hún var opnuð fólk kepptist við að nýta þau góðu tilboð sem voru í tilefni opnunarinnar. Lambakjöti í tonnatali seldist strax á fyrstu klukkutímunum og kerrur voru troðfullar af tilboðsvörum. Við fyrstu sýn hefði mátt halda að Kötlugos væri yfirvofandi með tilheyrandi skakkaföllum og fólk væri að byrgja sig upp.

Mikil áhersla er lögð á heilsuvörur
Mikil áhersla er lögð á heilsuvörur

Jónatan Eggertsson verslunarstjóri og starfsfólk hans hafði í nógu að snúast við að aðstoða fólk, bæta í hillur og bjóða upp á kaffi og kökur í tilefni opnunarinnar.

Starfsfólk á kassa fékk litla hvíld
Starfsfólk á kassa fékk litla hvíld
Boðið var upp á kaffi og köku við komuna inn í verslunina
Boðið var upp á kaffi og köku við komuna inn í verslunina

Ummæli

Ummæli