Rúm milljón kr. í uppgræðslu á fjárbeitarhólfi í Krýsuvík

Örfáar rollur eftir í eigu Hafnfirðinga

Krýsuvík sunnan Arnarfells árið 2005

Umhverfis- og framkvæmdaráð hefur samþykkt beiðni Landgræðslunnar að styrkja uppgræðslu sameiginlegs beitarhólfs Hafnfirðinga og Garðbæinga í landi Hafnarfjarðar í Krýsuvík um 800.000 kr. og uppgræðslu norðan við Arnarfell um 250.000 kr.

Unnið hefur verið að uppgræðslu í beitarhólfi Hafnarfjarðar í Krýsuvík frá árinu 1988 en
uppgræðslan var á þeim tíma ein af forsendum þess að forsvaranlegt væri að
nýta hólfið til beitar sauðfjár. Nær enginn sauðfjárbúskapur er lengur í Hafnarfirði og hafa langflestir frístundabændur hætt sauðfjárbúskap.

Markmiðið er að halda áfram að bera á rýr svæði með það að markmiði að gera gróður
sjálfbærann. Í áætlun fyrir árið 2020 er lagt upp með að borið verði á um 66 ha.

Gulu reitirnir tákna uppgræðslu 2019.

Árið 2019 var dreift 13,2 tonnum af áburði á 59 hektara lands.

Heildarkostnaður við þá framkvæmd er um 1,7 m. kr. á verðlagi ársins 2020.  Fylgst verður með gróðurframvindu á uppgræðslusvæðunum næstu árin til að tryggja sem bestan árangur framkvæmda og gripið til viðeigandi aðgerða reynist þess þörf.

Frá Krýsuvíkurréttum fyrir um áratug

Ummæli

Ummæli