Þórdís Eva keppir
Þórdís Eva Steinsdóttir hlaupakonan unga úr FH keppir þessa dagana á á EM 18 ára og yngri í Tblisi í Georgíu. Hún keppir í 400 m hlaupi þar sem hlaupnar eru þrjár umferðir og fóru undanriðlarnir fram í morgun.
Þórdís Eva hljóp á 56,01 sek og var með fjórða hraðasta tímann en þess má geta að annar hraðasti tíminn var 55,98 sek.
Þórdís Eva hleypur á morgun, föstudag kl. 15:10 í undanúrslitum og má búast við hörkukeppni um þau 8 sæti sem eru í boði í úrslitahlaupinu sem fer fram á laugardag.
