Veist þú hvað er verið að auglýsa þegar breyting á skipulagi er auglýst?

Óveruleg breyting þó heimiluð landnotkun sé útvíkkuð verulega

Þegar auglýstar eru skipulagsbreytingar eiga bæjarbúar oft erfitt að átta sig á því í hverju skipulagsbreyting felst.

Dæmi um slíkt má sjá í dagskrá bæjarstjórnarfundar sem nú stendur yfir en þar er til staðfestingar breytinga á deiliskipulagi Fornubúða 5 en ekki er getið í dagskránni hvert deiliskipulagið er. Við skoðun á Skipulagsvefsjá má hins vegar sjá að skipulagið er Deiliskipulag Suðurhafnar frá því í maí 2000. Á því hafa hins vegar verið gerðar 37 breytingar! Fornubúðir 5 er ein þeirra breytinga sem hlaut staðfestingu í janúar 2019.

Þegar dagskráin er skoðuð kemur hvergi fram hver breyting er. Þegar skoðuð er fundargerð skipulags- og byggingarráðs kemur ekki fram í texta fundargerðarinnar hver breytingin er en í fylgiskjali má sjá í greinargerð með deiliskipulagsbreytingunni hvaða texti breytist í greinargerðinni. Þá má sjá að verið er að gera breytingu á landnotkun þar sem fyrir var setningin: „Á lóðinni er gert ráð fyrir fyrirtækjum og stofnunum sem tengjast höfn, útgerð, hafrannsóknum og öryggismálum sjófarenda auk þjónustu við fyrirtæki og stofnanir á svæðinu.“ 

Við þetta bætist setningin: „Að auki er fjölbreyttari landnotkun heimil, s.s. þjónustu- og menningarstarfsemi.“

Þó getið sé í fundargerð skipulags- og byggingarráðs og dagskrá bæjarstjórnarfundar sé getið að um óverulegar breytingu sé um að ræða, þá opnar þetta töluvert á aðra landnotkun en getið var enda orðalagið mjög opið, .. fjölbreyttari landnotkun heimil, svo sem…

Ekki er heldur hægt að sjá dagskrá bæjarstjórnarfundar þegar horft er á hann, heldur þarf að fara í tilkynningu um bæjarstjórnarfund og sækja þar pdf skjal. Það má gera miklu betur!

Úr dagskrá bæjarstjórnarfundar 20. janúar 2021

1808180 – Fornubúðir 5, skipulagsbreyting
6. liður úr fundargerð skipulags- og byggingarráðs frá 12. janúar sl.
Þann 30. júní sl. samþykkti skipulags- og byggingarráð erindi Batterí arkitekta dags. 23.06.2020, f.h. lóðarhafa þar sem farið er fram á breytingu á greinargerð
gildandi deiliskipulags. Um er að ræða óverulega breytingu á gildandi deiliskipulagi og samþykkti skipulags- og byggingarráð að málsmeðferð yrði í samræmi við 2. mgr. 43. gr. skipulagslaga nr. 123/2010. Erindinu var jafnframt vísað til staðfestingar í bæjarstjórn sem staðfesti það á fundi sínum þann 16.07.2020. Erindið var grenndarkynnt frá 06.11.2020-04.12.2020.
Deiliskipulagsbreytingin sem hér er sótt um felst í breytingu á 5. setningu í gildandi greinargerð með deiliskipulaginu.
Athugasemd barst. Skipulags- og byggingarráð fól skipulagsfulltrúa að svara innkominni athugasemd. Umsögn skipulagsfulltrúa lögð fram.
Skipulags- og byggingarráð samþykkir deiliskipulagsbreytinguna með vísan til umsagnar skipulagsfulltrúa og vísar til staðfestingar í bæjarstjórn.

Breytingu mótmælt

Eftir grenndarkynningu gerðu eigendur Kvótasölunnar ehf. sem er eigandi að fasteign að Cuxhavengötu 1 gerir athugasemdir og mótmæltu því að sú breyting verði gerð á deiliskipulaginu að skeytt verði aftan við setningu „s.s. þjónustu og menningarstarfsemi“. Það sem nú segir í deiliskipulagi þ.e. “auk þjónustu við fyrirtæki og stofnanir á svæðinu” Segir í athugasemdunum að breyting sú sem nú er gerð heimili allar tegundir af þjónustu s.s. bílaverkstæði, steypustöð eða t.d. bílapartasala verði í húsnæðinu. Það sé algjörlega á skjön við það skipulag sem nú gildi og undirritaður gekk út frá að myndi gilda þegar undirritaður fjárfesti í húsnæðinu Cuxhavengötu 1. „Það, að einn fjársterkur aðili, sem greinilega er vel tengdur inn í bæjarfélagið geti algjörlega breytt framtíðar ásýnd hafnarsvæðisins er algjörlega óþolandi. Það er ljóst að ef samþykkt verði breyting á deiliskipulagi þarna, á þennan hátt, þá munu aðrir fylgja í kjölfarið og þarna verður þá sennilega framtíðar bílapartasölusvæði eða annað miður umhverfisvænn iðnaður í framtíðinni,” segir m.a. í athugasemdunum.

Svar skipulagsfulltrúa

Í svari við athugasemdunum Þormóður Sveinsson skipulagsfulltrúi:

„Í samþykkt á breyttu aðalskipulagi Hafnarfjarðar frá 2018 sem nær til hafnarsvæðisins segir í greinagerð:

Af framangreindu er því ljóst, að umrædd deiliskipulagsbreyting er í fullu samræmi við heimildir í ASH 2015-2025, samanber breytingu þess frá 2018.“

Nægilega skýrt ákvæði?

Ef ákvæðið er skoðað má sjá að þar stendur að fjölbreyttari landnotkun sé þó heimil samkvæmt ákvörðun þar um í deiliskipulag, s.s. þjónustu- og menningarstarfsemi. Velta má fyrir sér hvort það sé nægilega skýr ákvörðun að setja dæmið úr ákvæðinu inn eða hvort skilgreina hefði átt það nánar.

Ummæli

Ummæli