Nær helmingssamdráttur á umferð á Hafnarfjarðarvegi

Nú eru biðraðirnar helst í matvöruverslunum.

Umferðin á höfuðborgarsvæðinu gæti verið búin að ná einhverskonar jafnvægi í kjölfar afleiðinga kórónuveiru faraldurins með tilheyrandi fækkun ferðamanna, samdrætti almennt í efnahagslífinu og aukinnar heimavinnu fólks.

Umferðin hefur dregist gríðarlega saman og virðist samdrátturinn hafa náð hámarki því samdrátturinn í viku 14 er nær enginn.

Af vef Vegagerðarinnar.

Umferð á Hafnarfjarðarvegi dregst lang mest saman í viku 14 eða um tæplega 48% en minnst á Reykjanesbraut eða um tæp 34%.

Meðal umferð um Hafnarfjarðarveg við Kópavogslæk var 48.268 bílar á sólarhring í mars í fyrra en var nú aðeins 35.127.

Samdráttur umferðar miðað við sömu vikur 2019
Staður Vika 13 Vika 14
Hafnarfjarðarvegur
við Kópavogslæk
47,6 % 47,6 %
Reykjanesbraut
við Dalveg
34,3 % 33,7 %
Vesturlandsvegur
ofan Ártúnsbrekku
36,6 % 36,2 %

Heimild: Vegagerðin.

Ummæli

Ummæli