Lögreglan var kölluð til í lund í Höfðaskógi, skammt ofan við víkina NA við Hvaleyrarvatn aðfararnótt sl. þriðjudags.
Höfðu ungmenni komið sér þar fyrir með tjald og var nokkur ölvun á staðnum. Lögreglan mun hafa kannað hvort þau væru með eld og þegar svo var ekki, var lítið annað aðhafst.
Um morguninn blasti ljót sjón við augum starfsmanns Skógræktarfélagsins, tjaldið var þar enn, glerbrot á stóru svæði og drasl um allt. Þá mátti sjá sígarettustubba á svæðinu en öll meðferð elds er bönnuð á svæðinu vegna eldhættu.
Var búið að hreinsa upp mesta draslið þegar ljósmyndara Fjarðarfrétta bar að.
