Átta Íslandsmeistaratitlar í badminton

Íslandsmeistarar BH í fullorðinsflokkum 2021

Um helgina fór Meistaramót Íslands, Íslandsmótið í badminton í fullorðinsflokkum, fram í TBR húsunum við Gnoðarvog. Rúmlega níutíu leikmenn voru skráðir til keppni, þar af 30 Félagir í Badmintonfélagi Hafnarafjarðar. BH-ingar stóðu sig frábærlega, margir góðir leikir, mikil barátta og góður liðsandi. Komu þeir með átta Íslandsmeistaratitla með heim í Hafnarfjörðinn þetta árið og fimm silfurverðlaun.

Róbert Ingi sem var í 2. sæti í einliðaleik í meistaraflokki – komst í úrslit í fyrsta sinn í fyrra og var þá fyrsti karlspilari BH til að komast í úrslit í efsta flokki.

Í meistaraflokki náði Róbert Ingi Huldarsson bestum árangri BH-ingana en hann vann silfurverðlaun í einliðaleik karla. Þetta er annað árið í röð sem Róbert Ingi kemst í úrslit á Meistaramóti Íslands og hefur heldur betur stimplað sig inn í flokk allra bestu badmintonspilara landsins.

Gabríel, sigurvegari í einliðaleik í A flokki og Natalía tvöfaldur sigurvegari í A flokki

Natalía Ósk Óðinsdóttir var sigursælust BH-inga í A flokknum. Sigraði tvöfalt, einliðaleik kvenna og tvíliðaleik með Önnu Lilju Sigurðardóttur. Gabríel Ingi Helgason sigraði einliðaleik karla í A flokki. Elín Ósk Traustadóttir var í öðru sæti í einliðaleik kvenna í A flokknum.

Halla Stella sigraði tvöfalt í B flokki

Halla Stella Sveinbjörnsdóttir sigraði tvöfalt í B flokknum, bæði í einliðaleik og tvenndarleik ásamt Mána Berg Ellertssyni úr ÍA. Sara Bergdís Albertsdóttir og Lilja Berglind Harðardóttir sigruðu í tvíliðaleik kvenna í B flokk en í öðru sæti voru þær Erla Rós Heiðarsdóttir og Sigríður Theódóra Eiríksdóttir. Erla Rós var einnig í öðru sæti í tvenndarleik ásamt Agli Magnússyni úr Aftureldingu.

Gabríel Ingi, sigraði einliðaleik í A flokki og varð þrefaldur Íslandsmeistari í U17 fyrr í mánuðinum.

Nánari úrslit á Meistaramóti Íslands 2021 má finna hér á tournamentsoftware.com.
Myndir frá verðlaunaafhendingu og keppni má finna hér á Facebook.

 

Ummæli

Ummæli