Hljómtækjaverslun fyrir vandláta

Norðurljósa-hljóðtækni – í verslunarmiðstöðinni Firði

Þorsteinn Halldórsson í verslun sinni í Firði

Hljómtækjaverslunin Norðurljósa-hljóðtækni – NLH, sem hefur verið á 2. hæðinni í Firði síðan 2019, er verslun fyrir vandláta.

Þorsteinn Halldórsson, framkvæmda­stjóri fyrirtækisins segir fyrirtækið sér­hæfa sig í sölu á hágæða hljómtækjum fyrir fyrirtæki og einstaklinga. „Við erum t.d. með mikið af flottum heyrnar­tækjum, þráðlausum hátölurum og alls konar hljóm- flutningstækjum, heimabíóum og vörum tengdu því,“ segir Þorsteinn.

Vandaður magnari og streymir sem fær það allra besta hljóð frá streymisveitum eins og Spotify.

„Við bjóðum viðskiptavinum upp á persónulega þjónustu og kennum þeim á öll tækin,“ segir Þorsteinn sem segir opnunartímann vera mjög sveigjanlegan og að viðskiptavinum geti jafnvel boðist að fá heimsókn til að skoða aðstæður og veita alhliða ráðgjöf við val á hljóð- og myndlausnum fyrir einstaklinga, fyrirtæki og stofnanir. „Við förum í heimsóknir endur­gjaldslaust hér á höfuðborgarsvæðinu. Við leggjum því mikið upp úr faglegri þjónustu,“ segir Þorsteinn.

Sambyggt tæki, streymir og magnari.

Fyrirtækið var upphaflega stofnað árið 1999 en uppbygging þess í núverandi mynd hófst 2008 og hefur verið að þróast síðan að sögn Þorsteins sem bendir á að fyrirtækið sé með eldri kennitölu en allir bankarnir í landinu!

Aðspurður um markhópinn segir Þorsteinn: „Í raun allir sem vilja gæði á góðu verði,“ og bætir við að við­skipta­vinir fyrirtækisins hafi verið aðilar sem reka íþróttamannvirki, félagsheimili og öflug fyrirtæki og að sjálfsögðu ein­staklingar sem gera kröfur um gæði

Helstu vörumerki

Vönduð heyrnartól frá BeyerDynamic

„Við erum með merki eins og BeyerDynamic, Cambridge Audio og Nortek Control/Nice sem eru helstu merkin í heimilislausnum. NHL leggur líka mikla áherslu að versla beint við framleiðanda þannig að enginn annar komi að vörunni áður en við fáum hana. Með því náum við vörunni heim með hagkvæmari hætti sem skilar sér í ódýrari vöru til okkar viðskiptavina.“

Þá bendir Þorsteinn á frábær merki í fyrirtækjalausnum, DAS Audio, Intu­sonic/Hill Audio, Blustream, Kordz og Beyer Dynamic.

Verslun NLH er á 2. hæð í Firði

Segir hann að best sé að skoða heimasíðuna www.nhl.is og á Facebook

Reglubundinn opnunartími NHL er kl. 10-18 virka daga og á laugardögum kl. 12-16. En eins og Þorsteinn hefur tekið fram þá er hægt að ná í hann bæði á kvöldin og á sunnudögum.

Hægt er að senda póst á nlh@nlh.is eða hringja í síma 665 2800.

Ummæli

Ummæli