fbpx
Laugardagur, maí 18, 2024
HeimÍþróttirSól fyrsti Íslandsmeistari BH í einliðaleik kvenna í meistaraflokki

Sól fyrsti Íslandsmeistari BH í einliðaleik kvenna í meistaraflokki

Sól Kristínardóttir Mixa, BH, er Íslandsmeistari í einliðaleik í borðtennis, en Íslandsmótið var haldið í Íþróttahúsinu Digranesi um liðna helgi.

Þetta var fyrsti titill Sólar í einliðaleik.

Sól varð tvöfaldur meistari en hún varð Íslandsmeistari í tvíliðaleik með Aldísi Rún Lárusdóttur, KR og þetta fyrsti titillinn í tvíliðaleik sem þær vinna saman. Sól er fyrsta konan úr BH til að verða Íslandsmeistari í einliðaleik í meistaraflokki.

Ingi Darvis Rodriguez varð Íslands­meistari í karlaflokki en hann sigraði líka í tvíliðaleik með Magnúsi Jóhanni Hjartarsyni, Víkingi, og tvenndarleik með Evu Jósteinsdóttur, Víkingi.

Magnús Gauti Úlfarsson úr BH varð í öðru sæti eftir gríðarlega spennandi leik.
Þá sigraði Pétur Marteinn Tómasson, úr BH í 1. flokki karla.

Sjö manna fjölskylda úr Vesturbænum í Reykjavík sýndi hvað borðtennis er góð fjölskylduíþrótt en þau Guðrún Gestsdóttir og Gunnar Skúlason og börn þeirra fimm, Pétur, Skúli, Gestur, Eiríkur Logi og Guðbjörg Vala kepptu öll á mótinu. Þau fóru heim með fern verðlaun, þar á meðal ein gullverðlaun.

Skráðir keppendur á mótinu voru 99, og komu þeir úr félögunum BH, BM, Garpi, HK, ÍFR, KR og Víkingi.

Ummæli

Ummæli

Tengdar greinar
- H1 -

Nýjustu greinar

H2