Guðbjörg Reynisdóttir úr Bogfimifélaginu Hróa Hetti í Hafnarfirði tók Íslandsmeistaratitilinn í berboga kvenna meistaraflokki á Íslandsmeistaramótinu um síðustu helgi.
Guðbjörg á lengstu óbrotnu sigurröð Íslandsmeistaratitla í meistaraflokki í sögu íþróttarinnar sem rofnaði á Íslandsmeistaramótinu innandyra 2023. Hafði hún unnið Íslandsmeistaratitilinn 11 sinnum í röð! Guðbjörg er því búin að endurheimta titilinn og mögulega að hefja nýja sigurröð.
Guðbjörg keppti á Evrópumeistaramótinu innandyra í Varazdin Króatíu nýlega þar sem hún endaði í 4. sæti í liðakeppni og 6. sæti í einstaklingskeppni.
Í einstaklingskeppninni í berboga á EM var Guðbjörg slegin út í 8 manna úrslitum í leik gegn Kristina Maria Pruccoli frá San Marínó 7-1.
Guðbjörg var ekki að skjóta illa í 8 manna úrslitunum og munaði litlu í stigum í hverri lotu leiksins. Örvarnar röðuðust bara ekki Guðbjörgu í hag þennan daginn.
Áhugavert er að geta þess að Guðbjörg endaði í 5. sæti á síðasta EM og þar munaði einnig litlu að hún myndi keppa í gull/brons úrslitum mótsins af nákvæmlega sömu ástæðu
