Þórdís Eva Íslandsmeistari í sjöþraut

Þórdís Eva Steinsdóttir, FH - Ljósmynd: FRÍ

Meistaramót Íslands í fjölþrautum var haldið í Kaplakrika um síðustu helgi. Íslandsmeistari í tugþraut varð Benjamín Jóhann Johnsen, ÍR og í sjöþraut var Þórdís Eva Steinsdóttir, FH, Íslandsdmeistari.

Þórdís Eva Steinsdóttir (20) keppti í sinni fyrsti sjöþraut um helgina og fékk hún 4718 stig.

Hún sigraði í fimm greinum og var stigahæsta greininn hennar 200 metra hlaup. Þar hljóp hún á 25,42 sekúndum og fékk 849 stig. Hún hljóp 800 m á 2:29,68 mín, stökk 1,65 m í hástökki, stökk 5,7 m í langstökki kastaði 33,26 í spjótkasti og bætti árangur sinn um 5,58 metra. Þá kastaði hún 8,35 m í kúluvarpi og hljóp 100 m grindarhlaup á 15,45 sek. en hún varð í öðru sæti í þessum tveimur greinum.

Benjamín Jóhann Johnsen (24)varði titill sinn frá því í fyrra. Hann fékk í heildina 6680 stig en hans besti árangur er 7146 stig. Benjamín sigraði í sjö greinum af tíu og stigahæsta greinin hans var 110 metra grindarhlaup þar sem hann kom í mark á 15,41 sekúndu og fékk 801 stig.

Benjamín Jóhann Johnsen. – Ljósmynd: FRÍ

Í tugþraut pilta 18-19 ára sigraði Dagur Fannar Einarsson, Selfoss, með 6769 stig.

Í tugþraug pilta 16-17 ára sigraði Birnir Vagn Finnsson, UFA, með 6255 stig.

Í tugþraut stjúlkna 16-17 ára sigraði Katrín Tinna Pétursdóttir, Fjölni, 2960 stig.

Í fimmtarþraut pilta 15 ára og yngri fékk Markús Birgisson, Breiðabliki, 2561 stig.

Í fimmtarþraut stúlkna 15 ára og yngri fékk Júlía Kristín Jóhannesdóttir, Breiðabliki, 3086 stig.

Hér má sjá öll úrslit mótsins.

Ummæli

Ummæli