FH tapaði 0-3 gegn Íslandsmeisturum Breiðabliks í fyrsta leik

Frá eldri leik FH og Breiðablik

Kvennalið FH í knattspyrnu sótti Íslandsmeistara Breiðabliks heim í fyrsta leik Íslandsmótsins á Kópavogsvelli.

Breiðablik byrjaði með krafti og skoraði eftir tveggja mínútna leik. Berglind Björg Þorvaldsdóttir skoraði eftir hornspyrnu.

FH-ingar vörðust af krafti og ekkert markvert gerðist fyrr en á 90. mínútu er  Alexandra Jóhannsdóttir bætti öðru marki við. Staðan 2-0 fyrir Breiðablik.

Sveindís Jane Jónsdóttir skoraði svo þriðja mark Breiðablik í uppbótartíma eftir að Aníta Dögg, markmaður FH reyndi að sóla besta leikmann vallarins, Sveindísi Jane sem rænir boltanum af Anítu og skorar í autt markið.

FH stelpur eiga örugglega eftir að standa sig vel í næstu leikjum eftir erfiða byrjun gegn Íslandsmeisturunum.