Actavis endurnýjar styrktarsamning við FH

Hefur styrkt FH frá 2001

Frá undirskrift samningsins við FH

Fulltrúar Actavis á Íslandi og Knattspyrnudeildar FH skrifuðu í dag undir nýjan tveggja ára samstarfssamning sem gildir til loka árs 2019.

Actavis hefur stutt við uppbyggingu félagsins síðan 2001 þegar forveri Actavis, Delta, gerði fyrst samning við knattspyrnudeildina.

„Actavis á Íslandi er mikið í mun um að styðja við nærumhverfi sitt eins og það best getur. Hlutverk Actavis er að efla heilsu og lífsgæði fólks og stuðningur við forvarnir og grasrótarstarf íþrótta- og æskulýðshreyfinga, eins og þessi samningur við Knattspyrnudeild FH endurspeglar, er mikilvægur þáttur í uppfylla það hlutverk,“ segir í tilkynningu frá Actavis.

Þá er Actavis stolt af því að styðja enn frekar við vöxt og uppgang kvennaknattspyrnu FH á samningstímanum.

Ekki er gefið upp hversu hár styrkurinn er.

Glaðbeitt við undirritun. Knattspyrnufólk FH í búningum merktum Actavis ásamt Þórdísi Ólafsdóttur, fulltrúa Actavis, Jóni Rúnari Halldórssyni, formanni knattspyrnudeildar FH og Sigfúsi Erni Guðmundssyni sviðsstjóra samskiptasviðs Actavis.

Ummæli

Ummæli