Losaði sig við parketið á skógræktarsvæði

Allt of algengt að umhverfissóðar gangi lausir um bæjarlandið

Parketið sem sóðinn hefur losað sig við

Margan skógræktarmanninn dreymir að einhvern tímann verði hægt að saga trén niður og nota í parket á gólf. Engan dreymir hins vegar um að fá parket sem hætt er að nota aftur í skóginn.

Einhver umhverfissóðinn tók sig hins vegar til og fór með töluvert magn af gömlu parketi sem tekið hafði verið upp og henti því rétt út fyrir veg á skógræktarsvæði skammt frá Hvaleyrarvatni. Það voru starfsmenn Skógræktarfélags Hafnarfjarðar sem urðu varir við sóðaskapinn og starfsmenn Hafnarfjarðar brugðust hratt við og fjarlægðu parketið og komu því í endurvinnslustöð.

Hvaðan kom þetta parket?
Hvaðan kom þetta parket?

Siðblindan hlýtur að vera mikil hjá fólki sem lætur sér detta í hug að henda slíku rusli úti í náttúrunni. Þó er allt of mikið af því og hefur fólk hent bílhræjum, þvottavélum, húsgögnum og garðaúrgangi víðs vegar um bæjarlandið. Jafnvel áhugasamir plöntuframleiðendur henda úrgangi úti í náttúrinni eftir að plönturnar hafa verið nýttar til ólöglegrar framleiðslu á fíkniefnum.

Tilkynnið lögreglu

Allir þeir sem verða varir við fólk sem hendir rusli úti í náttúrinni eru hvattir til að tilkynna það lögreglu umsvifalaust.

Ummæli

Ummæli

Skilja eftir athugarsemd

Please enter your comment!
Please enter your name here