Tilslakanir á sóttvarnarreglum taka gildi á mánudag – sjáðu reglurnar

Heilbrigðisráðherra hefur kynnt tilslakanir á sóttvarnarreglum sem taka gildi á mánudagsmorgun.

Breytingarnar sem taka gildi á mánudaginn eru eftirfarandi:

Almennar fjöldatakmarkanir fara úr 20 í 50 manns. Börn fædd 2015 og síðar verði áfram undanþegin.

Nándarregla verði áfram almennt tveir metrar.

Grímuskylda og leiðbeiningar um grímunotkun óbreyttar. Börn fædd 2005 og síðar undanþegin grímuskyldu.

Sund- og baðstaðir, skíðasvæði, tjaldsvæði og söfn opin fyrir 75% af leyfilegum hámarksfjölda gesta. Börn fædd 2015 og síðar teljist ekki með.

Líkamsræktarstöðvar opnar fyrir 75% af leyfilegum hámarksfjölda gesta, en ekki fleiri en 50 manns í hverju rými. Önnur skilyrði óbreytt.

Íþróttir: Hámarksfjöldi þátttakenda í íþróttum 75 í stað 50 í hverju hólfi.

Sviðslistir: Hámarksfjöldi þátttakenda 75 í stað 50 í hverju hólfi/á sviði.

Sitjandi viðburðir: Hámarksfjöldi áhorfenda eða gesta á sitjandi viðburðum, s.s. íþróttakappleikjum, sviðslistum, athöfnum trúar- og lífskoðunarfélaga, verður 150 manns í hverju sóttvarnahólfi í stað 100. Önnur skilyrði óbreytt.

Verslanir: Hámarksfjöldi viðskiptavina í verslunum 200 manns í stað 100.

Veitingastaðir: Opnunartími lengist um klukkustund, frá kl. 21 til kl. 22. Gestir þurfa að hafa yfirgefið staðinn fyrir kl. 23.00.

Skólastarf

  • Hámarksfjöldi fullorðinna 50 í hverju rými.
  • Hámarksfjöldi barna/nemenda verður 100 í hverju rými.
  • Foreldrar og aðstandendur mega koma inn í skólanna.
  • Blöndun milli hópa barna innan skóla heimil í sundi og íþróttum í grunnskólum.
  • Viðburðir fyrir utanaðkomandi heimilaðir með þeim takmörkunum sem almennt gilda.
  • Blöndun nemenda milli hólfa einnig leyfð í háskólum.

Ummæli

Ummæli