Þurfa brátt að greiða fyrir hleðslu á rafbílnum

Aðeins ein hraðhleðslustöð er fyrir almenna notkun í Hafnarfirði

Hleðslustöðin við Fjörð

Samþykkt hefur verið að leggja á gjald vegna notkunar rafhleðslustöðvar við Fjörð.

Lagði umhverfis- og framkvæmdaráð til á fundi sínum í morgun að gjaldtakan verði eftirfarandi:

  • Verð á hraðhleðslu (DC 50 kW) verði 20 kr. fyrir kílówattstundina og 19 kr. fyrir mínútuna eftir fyrstu 15 mínúturnar. Gerir það 5 kr. afslátt ef tillagan verður samþykkt.
  • Verð á hæghleðslu (AC 22 kW) verði 20 kr. fyrir kílówattstundina og 2 kr. fyrir mínútuna eftir fyrstu 15 mínúturnar. Gerir það 50 aura afslátt ef tillagan verður samþykkt.

Er þetta sama verð og hjá ON nema að mínútugjaldið leggst ekki á fyrr en eftir 15 mínútur.

Umhverfis- og framkvæmdaráð vísaði tillögunni til samþykktar í bæjarráði.

Hleðslustöðvar í Hafnarfirði:

  • Þjónustumiðstöð Hafnarfjarðar, Norðurhellu 2 – Ísorka, hæghleðsla
  • Ásvallalaug, Ásvöllum 2 – Ísorka, hæghleðsla
  • Fjarðargata við Fjörð – Ísorka, hæghleðsla og hraðhleðsla
  • Krónan, Fjarðarhrauni 13 – Ísorka, hæghleðsla
  • Flugvellir 1 – Orka náttúrunnar, hæghleðsla

Fleiri hleðslustöðvar eru við einstök fyrirtæki en óvíst um aðgang almennings eða viðskiptavina að þeim.