Strætóskýlum skipt út í Hafnarfirði

Nýtt biðskýli með ljósaskilti í Setberginu

Fyrirtækið Dengsi ehf. yfirtók í vor rekstur fjölmargra biðskýla í Hafnarfirði. Eru þetta öll skýlin sem voru með auglýsingastand á annarri hliðinni og glerveggi.

Skýlin eru nú komin nokkuð til ára sinna og hefur Dengsi ehf. þegar hafið útskiptingu á þeim eins og bæjarbúar hafa kannski tekið eftir.

Verið að skipta út skýli á Strandgötu.

Að sögn Vésteins G. Haukssonar, framkvæmdastjóra Dengsa, er verið að skipta út skýlum þar sem hægt er að komast í fast rafmagn og telur hann að fyrir frost í jörðu verði búið að skipta út um 20 skýlum.

Birtustillt LED skilti

Nýju skýlin eru með LED auglýsingaskiltum og eru nettengd. Lýsingin er stillt eftir birtustigi úti og aðstæðum á hverjum stað en þau eiga að sögn Vésteins ekki að valda fólki neinum truflunum eins og oft vill verða með ljósaskilti. Ljósmagnið er minnkað þegar dimmir og fer jafnvel niður í 2-4% þegar dimmt er úti og skýlin eru í nálægð við hús.

Hér má sjá sama skilti og hér að ofan en í myrkri.

Greinilega hefur tekist vel til því blaðamaður hafði ekki tekið eftir hvort búið var að skipta um skýli þar sem nýtt ljósaskilti var komið

Möguleiki á rauntímaupplýsingum

Skýlin eru tilbúin fyrir raumtímaupplýsingar frá Strætó en ekki hefur enn verið samið um þá þjónustu við Hafnarfjarðarbæ.

Ummæli

Ummæli

Skilja eftir athugarsemd

Please enter your comment!
Please enter your name here