Kona um fertugt sem var ásamt tveimur öðrum á gangi í Almenningum, á bæjarmörkum Grindavíkur og Hafnarfjarðar flæktist í trjágrein og datt fram fyrir sig og á grjót. Fékk hún ljótan skurð við augað og var óskað eftir aðstoð hjá 112.
Var hún við 27. og síðasta merkið í Ratleik Hafnarfjarðar sem staðið hefur í allt sumar. Merkið er um 1 km frá nýjum línuvegi sem lagður hefur verið vegna nýrrar Suðurnesjalínu.
Konan var sótt á sexhjóli og var flutt á slysadeild í kvöld.
Uppfært 12.8.2016: Konan brotnaði illa í andliti, augnbeinið við nefið og augnbotninn auk þess sem blæðingar voru við augað. Batahorfur eru þó góðar og fer hún í aðgerð í næstu viku.
