fbpx
Fimmtudagur, febrúar 22, 2024
HeimFréttirSkipulagsmálTillit tekið til stríðsminja í breyttu deiliskipulagi Áslands 4

Tillit tekið til stríðsminja í breyttu deiliskipulagi Áslands 4

Skipulags- og byggingarráð samþykkti á fundi sínum 5. apríl að vísa til samþykktar í bæjarstjórn tillögu að breytingu á deiliskipulagi Áslands 4.

Eins og kom fram í frétt Fjarðarfrétta 17. mars sl. lentu friðaðar stríðsminjar inn á lóð og undir göngustíg í hverfinu en engar minjar voru merktar inn á deiliskipulagið eins skylda er að gera. Þessu hefur nú verið breytt en ýmsar fleiri breytingar voru gerðar á deiliskipulaginu.

Tillaga að breyttu skipulagi Áslands 4

Breytingar á uppdrætti skv. deiliskipulagsuppdrætti

Gerðar eru ýmsar breytingar eftir að vinnu við gatnahönnun lauk. Lóðamörkum og byggingarreitum er breytt lítilsháttar á nokkrum
stöðum.

  • Byggingarreitur leikskóla er stækkaður til suðurs og byggingarmagn skilgreint. Kvaðir um gróður í kringum leikskóla bætt við.
  • Göngubrú og stoppistöð fyrir strætó færist suðvestanmegin við hringtorg. Lóð fyrir mastur færist norðvestanmegin við hringtorg.
  • Lóðir Axlarás 2-30 hafa færst lítilsháttar til suðurs.
  • Lóðum við Axlarás 2-96 hefur fjölgað. Lóðir og byggingarreitir hafa breyst vegna þessa.
  • Raðhús við Axlarás 50-66 og 84-96 er breytt úr einni hæð í tvær hæðir.

Á eftirtöldum lóðum er val um hvort byggt verði einnar hæðar E1 eða tveggja hæðar E2 einbýli:

  • Virkisás 17- 33 ofan götu og Hryggjarás 21.
  • Virkisás 20, Hryggjarás 17 og 19 eru orðin einnar hæðar einbýli E1.
  • Lóð við Skógarás 2 stækkar.
  • Grænu svæði milli Skógarás og Virkisás bætt við.

Þá er uppfærður texti í greinargerð ásamt skýringarmyndum á bls. 14-15 og 34-58.

Gildandi deiliskipulag þar sem engar minjar eru merktar inn.

 

Svona eru stríðsminjar sagðar merktar á deiliskipulaginu.

Athygli vekur að ekki er getið á deiliskipulagsuppdrættinum um að merktar hafi verið inn friðaðar fornminjar og breytingar sem gerðar hafa verið til að þær verði ekki skemmdar.

Hér eru minjarnar merktar inn með bleikum deplum.

Texti á deiliskipulagstillögunni verður vonandi prófarkalesinn áður en bæjarstjórn afgreiðir málið.

Ummæli

Ummæli

Tengdar greinar
- H1 -

Nýjustu greinar

H2