Lögregluminjasafnið fær hæsta menningarstyrk Hafnarfjarðarkaupstaðar

2,6 milljóna kr. menningarstyrkir deilast á 10 aðila

Björn Thoroddsen á heimavelli

Menningar- og ferðamálanefnd ákvað á fundi sínum í morgun að úthluta 2,6 milljónum króna til 10 aðila við síðari úthlutun menningarstyrkja Hafnarfjarðarkaupstaðar.

Það er Lögregluminjasafnið, sem er skráð í Reykjavík og með aðsetur í Kópavogi sem fær hæsta styrkinn en ekki kemur fram í fundargerð fyrir hvað styrkurinn er en þau svör hafa fengist að úthulutunarreglurnar séu mjög opnar og að halda eigi sýningu í Firði.

Í auglýsingu um styrkina kemur þetta fram:

Tvisvar á ári auglýsir menningar- og ferðamálnefnd Hafnarfjarðar eftir umsóknum um styrki til menningarstarfsemi og eflingar á hafnfirsku menningarlífi. Markmiðið er að styðja við menningarstarfsemi í samræmi við menningarstefnu bæjarins og styrkja einstaklinga og félagasamtök til lista- og menningarsköpunar. Listamenn, félagasamtök, stofnanir eða menningarviðburðir verða að tengjast Hafnarfirði á einhvern hátt. Með fastri búsetu, með því að viðburðurinn fari fram í Hafnarfirði eða feli í sér kynningu á menningarstarfsemi Hafnarfjarðar. Ekki er styrkt til ferðalaga, náms og rekstrar. 

  • Guðmundur Fylkisson, Lögregluminjasafnið: 450.000 kr.
  • Ólafur Már Svavarsson, Hafið gráa: 400.000 kr.
  • Björn Thoroddsen, Guitarama 2020:  375.000 kr.
  • Margrét Gauja Magnúsdóttir, Streymi – Tónlistarröð Hamarins og Músik og mótors: 300.000 kr.
  • Anthony Vincent Bacigalupo, Jólin eru hér:  250.000 kr.
  • Ingvar Guðmundsson, Götulist við Drafnarhús: 250.000 kr.
  • Margrét Eir Hönnudóttir, Jólatónleikar Margrét Eir í Fríkirkjunni:  190.000 kr.
  • Andrés Þór Gunnlaugsson, Síðdegistónar í Hafnarborg:  190.000 kr.
  • Leikfélag Hafnarfjarðar, Leiklistarnámskeið fyrir 60 plús:  155.000 kr.
  • Kristbergur Óðinn Pétursson, Vetrarfærðin – ljóðabók:  80.000 kr.

Ummæli

Ummæli