Bæjarráð samþykkti á fundi sínum í gær að úthluta fimm aðilum styrk við síðari úthlutun styrkja bæjarráðs Hafnarfjarðar í ár.
Alls voru veittar samtals 1.250 þúsund kr. að þessu sinni en ekki kemur fram í fundargerð bæjarráðs hversu margar umsóknirnar voru, né voru nánari skýringar á verkefnunum.
- Karlar í skúrum 400.000 kr.
- Hrekkjavaka á Suðurgötu 300.000 kr.
- Elligleði 200.000 kr.
- Pláneta 300.000 kr.
- Samvera og súpa 50.000 kr.
Við fyrri úthlutun sem bæjarráð samþykkti 1. júní sl. voru einnig úthlutaðar 1.250 þúsund krónur en þá til sjö verkefna.
- Karlar í skúrnum 400.000
- GETA hjálparsamtök, stuðningur við flóttafólk í Hfj. 200.000
- Open Mic Night Betri stofunnar 200.000
- Kór Öldutúnsskóla til Feneyja 150.000 kr.
- Listasmáskólinn 100.000
- Ráðstefna á vegum Upplýsingar félags fagfólks á bókasöfnum 100.000
- Samstaða með hinsegin fólki 100.000
Bæjarráð veitir félagasamtökum, fyrirtækjum og einstaklingum styrki til starfsemi og þjónustu sem fellur að hlutverki sveitarfélagsins eða telst á annan hátt í samræmi við stefnumörkun, áherslur og forgangsröð sveitarfélagsins. Hefur bæjarráð festa upphæð til úthlutunar sem skilgreind er í fjárhagsáætlun hverju sinni.
Úthlutað er tvisvar á ári í samræmi við reglur um styrkveitingar bæjarráðs.
