Karen Hrönn las til sigurs í Stóru upplestrarkeppninni

537
Soffía Karen Björnsdóttir úr Hraunvallaskóla, Reynir Örn Sigrúnarson úr Setbergsskóla og sigurvegari keppninnar Karen Hrönn Guðjónsdóttir úr Áslandsskóla.

Stóra upplestrarkeppnin var haldin í Víðistaðakirkju í gær og kepptu 18 nemendur 7. bekkja grunnskólanna í Hafnarfirði til úrslita í upplestri.

Skáld keppninnar í ár voru þær Arndís Þórarinsdóttir og Hulda Sigrún Bjarnadóttir og Aðalsteinn Ásberg Sigurðsson var ljóðskáld keppninnar.

Dómnefndin að störfum

Dómnefnd skipuð þeim Björk Einarsdóttur, Almari Blæ Sigurjónssyni, Hafrúnu Dóru Júlíusdóttur og Þórði Helgason fékk svo það erfiða hlutverk að velja þá lesendur sem lentu í þremur efstu sætunum.

Ingibjörg Einarsdóttir var kynnir og stjórnandi hátíðarinnar en hátíðin hófst með flutningi Talkórs nemenda 4. bekkjar Áslandsskóla og ávarpi forseta Íslands, hr. Guðna Th. Jóhannessyni.

Ingibjörg Einarsdóttir

Emil Arthúr Júlíusson, sigurvegari keppninnar 2022 kynnti skáld keppninnar en í 1. umferð lásu nemendur kafla úr bókinni Blokkin á heimsenda eftir þær Arndísi og Huldu Sigrúnu.

Lestur nemendanna var glæsilegur og ljóst var að hlutverk dómnefndarinnar yrði erfitt.

Verðlaun fyrir mynd á boðskort keppninnar

Aldís María Antonsdóttir

Tilkynnt var um sigurvegara í keppni um mynd á boðskort keppninnar sem var Aldís María Antonsdóttir úr 6. bekk í Hraunvallaskóla.

Lazar Velemir

Þá las Lazar Velemir ljóð á serbnesku og eftir stutt hlé flutti Rósa Guðbjartsdóttir bæjarstjóri ávarp.

Vilhjálmur Hauksson

Vilhjálmur Hauksson, sem varð í 2. sæti keppninnar í fyrra kynnti svo ljóðskáld keppninnar en í 2. umferð lásu nemendur ljóð eftir Aðalstein Ásberg Sigurðsson og höfðu úr 10 ljóðum að velja.

Í 3. umferð lásu nemendurnir svo ljóð að eigin vali.

Smásagnasamkeppni

Á meðan dómnefndin bar saman bækur sínar voru afhent verðlaun í smásagnakeppni grunnskólanna.

3. frá vinstri er sigurvegari smásagnakeppninnar, Amra Bajramovska , Helena Björg S. Arnarsdóttir varð í öðru sæti og Sunna Björk Magnúsdóttir varð í 3. sæti. Fulltrúar skóla þeirra eru með á myndinni.

Í þriðja sæti varð Sunna Björk Magnúsdóttir úr 8. bekk Víðistaðaskóla. Í öðru sæti varð Helena Björg S. Arnarsdóttir úr 8. bekk Víðistaðskóla en sigurvegari í smásagnakeppninni var Amra Bajramovska úr 9. bekk í Víðistaðaskóla.

Viðja Elísabet Magnúsdóttir

Viðja Elísabet Magnúsdóttir, nemandi í Tónlistarskóla Hafnarfirði lék svo á flygil fyrir viðstadda áður úrslitin voru kynnt. Lék hún Vals Macabre eftir Faber.

Úrslit

Soffía Karen Björnsdóttir, Reynir Örn Sigrúnarson og Karen Hrönn Guðjónsson með skólastjórum skóla sinna.

Í þriðja sæti varð Reynir Örn Sigrúnarson úr Setbergsskóla

Í öðru sæti varð Soffía Karen Björnsdóttir úr Hraunvallaskóla

Í fyrsta sæti varð Karen Hrönn Guðjónsdóttir úr Áslandsskóla.

Myndasyrpa

Ummæli

Ummæli