Hlauparöð FH og Bose besta götuhlaup Íslands 2018

Þátttökumet sett í fyrsta hlaupi ársins 2019

Hlaupasería FH og BOSE er götuhlaup ársins 2018! 🏆🏃

Hlaupasería FH og BOSE er götuhlaup ársins 2018! 🏆🏃 hlaup.is veitti á dögunum verðlaun fyrir besta götuhlaup ársins út frá einkunnagjöf hlaupara á árinu 2018. Skemmst er frá því að segja að Hlaupasería FH og Bose bar þar sigur úr býtum. 👏 Hlaupaserían fer einnig vel af stað í ár en þátttökumet var slegið í fyrsta hlaupi ársins. Næsta hlaup fer fram fimmtudaginn 28. febrúar og við hlökkum til að sjá þig þá! 😄 Skráning og upplýsingar 👉 bit.ly/hlaupaseria-FH-og-Bose-2

Posted by Hlaupasería FH og BOSE on Tuesday, February 19, 2019

Hlauparöð FH og Bose var valið besta götuhlaup Íslands árið 2018 en hlaup.is stóð fyrir kosningu meðal þátttakenda.

Þetta er mikil viðkurkenning fyrir hlauparöðina en hlaupaleiðin er í miðbæ Hafnarfjarðar meðfram strandlengjunni, framhjá Hrafnistu og Norðurvangi og til baka.

Ljósmynd: Fjarðarfréttir – Vignir Guðnason

Hlaupið, sem er 5 km langt, er síðasta fimmtudag í janúar, febrúar og mars og er vandað til hlaupsins með góðri brautarvörslu, aðstöðu og fl. og hefur Origo, umboðsaðili Bose á Íslandi lagt mikið í til að gera umgjörðina sem skemmtilegasta og glæsileg verðlaun.

Skákar hlaupið þá m.a. Reykjavíkurmaraþoni og fleiri hlaupum en Akureyrarhlaup Íslenskra verðbréfa og Átaks varð í 2. sæti og Icelandair hlaupið í 3. sæti.

Hlaupahópur FH sem stendur að hlaupinu er hluti af frjálsíþróttadeild FH og er einn stærsti hlaupahópur landsins. Hann var stofnaður í febrúar 2010 og hafa félagar hans tekið þátt í keppnum víða um heim. Í hópnum er blanda af afreksmiðuðum hlaupurum og hlaupurum sem hlaupa ánægjunnar og heilsunnar vegna og allt þar á milli.

Ljósmynd: Fjarðarfréttir – Vignir Guðnason

Ummæli

Ummæli