Harður fjögurra bíla árekstur á Reykjanesbraut

Tveir fulllestaðir malarflutningabílar og fólksbílar

Áreksturinn var við brúna yfir Strandgötu

Mjög harður árekstur varð á Reykjanesbraut við brúna yfir Strandgötu á níunda tímanum í morgun. Tveir fulllestaðir malarflutningabílar voru á leið í austurátt en frásögnum ber ekki saman um hvað gerst hafi. Mbl.is greinir frá því að fólksbifreið sem kom úr vesturátt hafi farið yfir á öfugan vegarhelming og í veg fyrir flutningabílana en DV hefur það eftir vitni að annar flutningabíllinn hafi farið yfir á öfugan vegarhelming og í veg fyrir fólksbifreið sem kom úr vesturátt.

Skv. upplýsingum lögreglu er talið að BMW bifreið sem var á leið í vesturátt hafi farið í veg fyrir og skollið á malarflutningabíl sem við það fer yfir á öfugan vegarhelming og skellur á rauðum sportbíl. Hinn malarflutningabíllinn skellur á BMW bifreiðinni og þeytir henni út af.

Fólksbifreið sem kom úr austurátt lenti framan á malarflutningabifreið
Fólksbifreið sem kom úr austurátt lenti framan á malarflutningabifreið

Fólksbifreiðin sem var af BMW gerð endaði inni á fráreininni við Strandgötu og sjá mátti að malarflutningabílarnir stöðvuðust í um 90 m fjarlægð frá fólksbílnum og lenti annar fólksbíll framan á öðrum malarflutningabílnum sem endaði utan í vegriði á röngum vegarhelmingi.

BMW bifreiðn var mjög illa farin og endaði inn á frárein.
BMW bifreiðin var mjög illa farin og endaði inni á frárein.

Þrír voru fluttir á spítala og var einn þeirra talinn alvarlega slasaður og án meðvitundar.

Sprungið var framdekk á bílnum og afturfelga illa farin og dekk vindlaust. Þessi bifreið skall á BMW bifreiðinni eftir að hinn malarflutningabíllinn hafði skollið á henni.
Sprungið var framdekk á bílnum og afturfelga illa farin og dekk vindlaust. Þessi bifreið skall á BMW bifreiðinni eftir að hinn malarflutningabíllinn hafði skollið á henni.

Reykjanesbrautinni var lokað í báðar áttir og líkur á að hún yrði lokuð í einhvern tíma enda mikið drasl á götunni, annar malarflutningabíllinn með sprungið framdekk og tveir óökufærir bílar.

Horft til vesturs yfir slysstaðinn.
Horft til vesturs yfir slysstaðinn.
BMW bifreiðin
BMW bifreiðin
Malarflutningabifreið sem var á leið í austurátt
Malarflutningabifreið sem var á leið í austurátt