Hafnfirðingar hafa staðið sig vel við að flokka matarleifarnar og geta notið afrakstursins.
Hægt er að fá ókeypis moltu úr GAJU, gas- og jarðgerðarstöð SORPU. Moltan fæst við garðlöndin á Víðistöðum og á endurvinnslustöðinni á Breiðhellu.
Molta er öflugur og hollur jarðvegsbætir sem nærir jarðveginn. Hún er ólík mold að því leiti að hún inniheldur ekki nein ólífræn efni, eins og sand eða möl.
Hringrásin byrjar í eldhúsinu
GAJA molta er ætluð til notkunar utanhúss. Hún henti vel til notkunar á akra, lóðir, græn svæði í þéttbýli, beð og matjurtagarða. Moltan sé sterk og bein snerting óblandaðrar moltu við rætur plantna sé ekki æskileg. GAJA molta er framleidd í samræmi við starfsleyfi Matvælastofnunar og skráð sem lífrænn áburður.
Hringrásin byrjar í eldhúsinu. Hægt er að fá moltuna á endurvinnslustöðvum SORPU við Breiðhellu, Sævarhöfða og Ánanaust.
