Færa í dag háspennumastur úr vegstæði Ásvallabrautar

Mastrið nr. 10 er það sem verður fært. Sjá má Skarðshlíð til vinstri og Áslandshverfin efst á myndinni.

Línuflokkur á vegum Landsnets mun í dag færa til eitt mastur í Hnoðraholtslínu sem er háspennulína sem liggur milli tengivirkja ​í Hafnarfirði og Hnoðraholti í Garðabæ.

Færa þarf mastrið til um 26 m vegna lagningar Ásvallabrautar sem liggja mun úr Skarðshlíðinni og yfir á Kaldárselsveg.

Undanfarnar vikur hefur verið unnið að því að lagfæra slóð að mastrinu, setja niður nýjar undirstöður og útbúa plan fyrir krana við mastrið. Mastrinu verður svo lyft af núverandi undirstöðum og sett á nýjar undirstöður.

Mastrið sem verður fært er númer 10 á myndinni.